सुयोग फूड्स बद्दल

सयुग फूड्सची पुण्यात २०१९ मध्ये प्रायोगिक तत्वावर एक कौटुंबिक प्रकल्प म्हणून सुरुवात झाली. तयार केल्या जाणाऱ्या उत्पादनांमधील घटकांचे प्रमाण आणि त्यांची योग्य मात्त्रा यांवर विविध प्रयोग करून आम्ही सर्व उत्पादने बनविली. जानेवारी २०२३ मध्ये, सुयोग फूड्सने व्यावसायिक बाजारपेठेत प्रवेश केला. सुरुवातीपासूनच सर्व उत्पादनांना सकारात्मक प्रतिसाद मिळाला. आम्ही अजूनही आमच्या उत्पादन मालिकेचा विस्तार करीत आहोत आणि रोजच्या स्वयंपाकासाठी वापरले जाणारे विविध प्रकारचे मसाले घेऊन येत आहोत.

घरच्या घरी स्वास्थ्यवर्धक स्वयंपाक बनविण्यासाठी लागणारे मसाले उपलब्ध करून देण्याचे आमचे ध्येय आहे. हेच लक्षात घेऊन, आम्ही प्रत्येक मसाल्याची खरी चव आणण्यासाठी आमच्या उत्पादनांमध्ये नैसर्गिक आणि रासायनिक प्रक्रियाविरहित घटक वापरतो. आम्ही आमची सर्व उत्पादने अतिशय काळजीपूर्वक पॅक आणि सीलबंद  करतो जेणेकरून तुम्ही स्वयंपाक करतेवेळी तुम्हाला सर्वोत्कृष्ट मसाले मिळतील याची खात्री देतो.